٨.٢٢.٢٠٠٧

واحشتنا كلنا بجد



سنة كاملة مرت على فراقك وماحدش لسه قادر على نسيانك
ربنا يرحمك يا عبد الوهاب
بالله عليكو ادعولوا بالرحمة و المغفرة

٨.١٦.٢٠٠٧

عفوا شوقي ومتعب....نحن نحتاج للرجال فقط


لم اتعود ابدا ان اهاجم اي لاعب اهلاوي على مدار تشجيعي للفانلى الحمراء منذ ان وعيت بأختراع اسمه كرة القدم...وكنت دائما اعيب على اي مشجع اهلاوي يهاجم اي لاعب يرتدي الفانلة الحمراء...ولكن هذه المرة فاض بي الكيل من رأيته من لاعبين محسوبين علينا انهم من رجال الفانلة الحمراء وابناء النادي الاهلي وهم بعيدين عن ذلك تماما

منذ ايام قليلة اتخذت لجنة الكرة في النادي الاهلي منذ ايام قليلة قرارا بالسماح بثنائي النادي الاهلي اللاعبين محمد شوقي وعماد متعب بالاختبار في نادي ميدلسبره ...وبرغم من ان هذا القرار جاء مفاجئا للبعض ولكن بالنسبة لي لم اتفاجأ ابدا بالقرار بل اني تمنيته في الفترة الاخيرة بسبب ما يحدث من اللاعبين من تعالي واضح على النادي الاهلي والعاملين فيه وتكرار مشاغباتهم فيه وكانهم مالكين لهذا النادي وكأن النادي ليس فيه ذلك الشوقي وذاك المتعب.

وكأننا نتكلم عن محمود الخطيب وطاهر ابو زيد فالذي يشاهد اللاعبين في تعاليهم وتكبرهم على الفانلة الحمراء يشعر ان النادي سيسقط من دونهم واننا ننتظر الهبوط االى الدرجة الثانية اذا رحلوا عن النادي...وان جوزيه سوف يعلن استقالته بعد رحيلهم لانه لن يستطيع ان يقودا فريقا بدون متعب وشوقي....وان ابو تريكة سوف يفكر في الرحيل ايضا لانه كيف سيلعب بدون المتعب....وان الجمعية العمومية سوف تطالب باسقاط مجلس ادارة النادي لانهم افرطوا في ذلك النجمين الكبيرين...وان انصار النادي الاهلي سوف يدمرون النادي بمن فيه لانهم تنازلوا عنهم بتلك السهولة.

الذي لا يعرفه شوقي ومتعب ان النادي الاهلي كقيمة ثابتة في تاريخ الكرة العالمية لا يمكن بأي حال من الاحوال ان يقف على لاعب او اثنين اذا رحلوا ...فلن يكونوا افضل من بيبو وافضل من طاهر ابو زيد...وافضل من طه اسماعيل والى اخره من نجوم الكرة المصرية الذين اعتزلوا عن النادي فوجدوا من هم وراءه ليسدوا مكانه فكأننا نشاهد الخطيب في ابو تريكة ونشاهد اكرامي في الحضري ونشاهد حسن حمدي في عماد النحاس.

واذا سردنا تاريخ شوقي لعلنا نجد ما يدافع فيه عن نفسه وعن تاريخه نجد انه للاسف لا يوجد اي تاريخ يذكر لشوقي في النادي الاهلي ...فشوقي اتى من المصري كلاعب غير معروف وتنبأ الجميع له بالفشل ولكن جوزيه من راهن عليه وجعله في التشكيلة الاساسية لكتيبة الشياطين الحمر...ولكن لم يحفظ شوقي جميل جوزيه عليه وتركه في اول اختبار عندما هرب قبل مباراة حساسة امام نادي الزمالك وذهب الى كريستال بالاس الانجليزي ولان حاله مثل حالة معظم لاعبي الاندية المصرية التي تأتي من اندية الاقاليم الى النادي الاهلي فتحيطهم الشهرة من كل جانب فيبدأوا بتصرفات تنم عن حمقهم وسذاجتهم ..فهم لم يكن يعلم ان الاتحاد الانجليزي يضع روابط لاحتراف اي لاعب في اي اندية تابعة له ومنها ان يكون اللاعب امضى 75 في المئة من مشاركاته الدولية مع منتخب بلاده والشرط المهم هو ان يوافق ناديه اصلا على احترافه فكانت النتيجة الطبيعية انه تم شحن اللاعب على اول طائرة متجهة الى القاهرة ورجع الى ناديه خائبا ذليلا وقبل الايادي من اجل السماح على ما فعلته الغبية...ولعب موسمين كان اكثر اللاعبين الحاصلين على انذارات وطرد في بعض الاحيان حتى ان الجمهور اطلق عليه (شوقى انذارات) وتعالى على الكرة بشكل غريب وها هو الان يتنمرد مرة اخرى ويطالب بالسفر للاحتراف فكان القرار الفوري بالسماح له بالذهاب بعيدا عن السردب الاحمر

اما بطل قصتنا الثاني عماد متعب فقد كان ناشئا مغمورا في قطاع الناشئين في النادي الاهلي وضمه جوزيه للفريق الاول ولكن في اول مباراة له اصيب بكسر خطير ابتعد فيه ما يقارب عن 6 اشهر وعندما رجع ..كان لاعبا متواضعا بعض الشيء ولكن اصر عليه جوزيه ورأى فيه مهاجم المستقبل وفعلا بدأ المتعب في خلق مكان اساسي في الفريق الاول..ولكن سرعان ما انكشف متعب امام اضواء الشهرة ولعلنا لا ننسى فعلته عندما ضرب ظابط شرطة هو ومجموعة من البلطجية ..ولا ننسى تورطه مع احدى الممثلات في قضية افعال فاضحة..ومصاحبته للعديد من الممثلين اصحاب السمعة السيئة...عماد نفسه كانت له افعال سيئة فكان كل يوم في النايل سيتي وبصحبته احدى الفتيات ..والعديد من افعاله الغريبة التي جعلت جماهير النادي المنافس تكيدنا به وبان كيف لاعب بهذه الاخلاق في النادي الاهلي ونحن للاسف كنا ندافع عنه....وعندما لم يجد من يقف امامه في تلك الافعال وظن انه ميسي الكرة المصرية وانه يستحيل الاستغناء عنه في النادي فقرر فعل فعلته وتطاول على مدربه وعلى ناديه ونسى كل ما فعله ناديه له ....لذا كان قرار السماح له بالرحيل قرارا جاء متأخرا بعض الشيء ولكنه جاء اخيرا.

مشكلة اللاعبين انهم لم يقدروا انهم يلعبوا في نادي مثل النادي الاهلي ظنوا انفسهم يلعبوا في ذلك النادي المنافس الذي عندما يهمس لاعب فقط انه يريد الرحيل تشاهد جميع اعضاء مجلس الادارة وجميع اعضاء النادي وجميع الجماهير تحت بيته ينتظرون منه الرضا والعدول عن قراره.......مشكلة اللاعبين انهم يظنون ان الجمهور الذي يهتف لهم سيظل يهتف لهم حتى في غيابهم ...غير مقتنعين اننا نشجع الاهلي ككيان ولا نشجع الاهلي كأفراد فأى احدى عشر لاعب ينزلوا الملعب يرتدوا الفانلة الحمراء لهم علينا حق التشجيع والمساندة والمؤازرة واي لاعب يريد الرحيل نوجه له خطاب شكر وننساه مع مرور الايام ونظل نهتف للاهلي الذي لا ننساه ابدا.

اقول للاعبين ارحلوا فلم يعد هناك ذرة ثقة بينكم وبين جمهوركم ...فأذا قدر لكم ان تفشلوا هناك (وهذا ما اتوقعه) والرجوع لنا فأعلموا ان تشجيعنا لكم سيكون فقط لاننا نشجع الاهلي ونشجع الاحدى 10 لاعبا فقط ...ارحلوا لاننا نريد رجالا فقط يرتدون الفانلة الحمراء نريد رجالا لا انصاف رجال.......ارحلوا لاننا نحتاج الاخلاق قبل كل شيء ولا نريد ان نكون مثل النادي الذي يلم اللاعبين الخارجين عن القانون وعن الاخلاق ايضا..اتمنى ان يأتي اليوم التي تقذفكم فيه الرياح فترحلوا عن وجوهنا بلا رجعة

كلمة اخيرة
· الى الكابتن حازم امام : نحن نقدرك كجمهور النادي الاهلي ونحترمك كثيرا... قدرك ان تكون في نادي جمهوره لا يحترم المخلصين له ولا يفرقون بين المخلص والمرتزق فهم يهاجموك انت يا تاريخ 14 سنة خدمة في نادي الزمالك والذي تهيم عشقا به ويساندون الشيكا بوم الذي باعهم في لحظة وكان قريبا من الاهلي في لحظات لولا ضعف المقابل المادي...ارجوك يا كابتن عدل عن قرارك واستمر في اللعب فما زال عندك الافضل يا حازم


محمد شبل

٨.١٤.٢٠٠٧

مباراة اليوم..بداية انهيار أم نهاية انهيار

استكمالا لمسلسل هبوط مستوى الأداء
تعادل الأهلى اليوم امام المصرى بواقع هدفين لكل منهما
اعتقد لاعبو الاهلى اليوم انهم سيحققون الفوز كالعادة بأقل مجهود ممكن
ولكن جاء أداء المصرى اليوم صادما لأحلامهم و توقعاتهم
منذرا بأن دورى هذا العام لن يكون سهلا على الاهلى مثل الاعوام السابقة
لأسباب متعددة
منه
ا
المحاولات الجادة لدى معظم الأندية
فى بناء فرقهم و تدعيم صفوفهم من ناحية
و تحفز الأندية ضد البطل و العدو الأول أمامهم
وحرصهم على تحطيم غول الكورة المصرية و الظهور بشكل لائق امامه من ناحية أخرى
فكان المصرى اليوم هو الأكثر اجتهادا ..ولولا صحوة لاعبى الأهلى فى الشوط الثانى
و تغيرات مانويل جوزيه البديهية !!
بعد فضل الله تبارك و تعالى بالطبع
لكانت النتيجة مخزية تماما للأهلى ..و ضربة معنوية قوية للبطل فى بداية الموسم
أما عن المستوى التحكيمى اليوم فحدث ولا حرج
فجاء اليوم كالعادة دون المستوى منذرا بأن مستوى التحكيم من سىء الى أسوء
فاحتسب هدف المصرى الثانى من تسلل و اضح
لم يختلف عليها أحد
تعادل الأهلى فى حد ذاته ليس بكارثة
ولكل السؤال الأن هل سيظل مستوى الأداء هكذا حتى مباراة الهلال السودانى القادمة
والتى لايخفى على الجميع مدى صعوبتها وانها لن تكون مهمة سهلة على الاطلاق
و اذا حقق الأهلى تعادلا فيها سيكون بمثابة نصر كبير
اخشى من هذا الهبوط الحاد فى الأداء الذى يمر به لاعبو الاهلى منذ مباراة الترجى مرورا بمباراة السوبر امام الاسماعيلى وانتهاءا بمباراة المصرى اليوم
ان يقوموا به فى عرين الهلال السودانى
******************************************
كلمتين و بس
******************************************
أحمد جلال
أعتقد ان النهاردة كان المفروض احمد جلال يطلع لسانه للاهلى وكان هيبقى معاه حق جدا
اللاعب ده موهوب بجد و كان خسارة كبيرة ..وهو الراجل اثبت نفسه مع اول فرصة حقيقة حلمى طولان ادهالوا
وفعلا الولد ده يستحق
يا ريت من الدورس نتعلم
مانويل جوزيه
النهاردة التشكيلة بتاعتك كانت عجيييييييييييبة
بالله عليك يا راجل. تيك كير شوية و بلاش تأليف
خصوصا فى ماتش الهلال
بركات
نزولك يا بروكتة هو اللى قلب الماتش

٨.١٢.٢٠٠٧

محمود معروف....عندما يكون الناقد متعصباا




تابعت مقالة الاستاذ محمود معروف الاخيرة بالكثير من الضحك والسخرية من اسلوبه كمان كنت اتابع مقالاته قديما ولكن هذه المقالة بالذات زاد حقده وغله وزاد تعصبه الابيض بالخطين الحمر وزاد كلامه المليء بالوقاحة والسذاجة لذا كان لا بد لي من الرد على مقالته الاخيرة كنوع من حفظ الحق الادبي في حق نادينا فقط حتى لا يطمع الذي في قلبه مرض ويجلس يتشهد بهذا الكلام الغير مألوف من المعروف.... يقول المعلوف:

(لكن الأهلي لا يستحق فنيا فهو لم يفعل شيئا ولو كانت كل البطولات بهذا المستوي فهي بطولات وهمية
)

هذه اول خطوط الحكاية....ولعلنا امام نكتة حقيقة تضحكنا من قلوبنا فلا ادري بالظبط ما هي حكاية الاستحقاق الفني الذي يتكلم عنه معروف فهل كل البطولات التي حصل عليها الاهلي في تاريخه وهمية لانه لم يكن الافضل فنيا ,,فأذا كان ذلك فأنا اعتقد ان هذه ميزة عندما يأخذ الاهلي البطولات من منافسيه بأقل مجهود بينما يجلس الباقون يفندون في هل ان الاهلي استحقها فنيا ام لا؟ ...و الاستاذ محمود معروف لا يعرف من هو صاحب البطولات الوهمية...ويبدوا انه تناسى طوبة البلتاجي التي اهدت للزمالك اغلى ثلاث نقاط في موسم 2001/2002....ونسى ايضا فضيحة شراء المباريات التي تورط فيها مسؤول زملكاوي في التسعينات ولكن الموضوع مر مرور الكرام ونسى ما حدث من اللاعب سيد معوض في مباراة الاسماعيلي والزمالك في اخر مباراة للدوري الشهير ب (بدوري انبي) عندما تغاضى اللاعب عن اخراج الكرة حتى تسكن مرماه ويفوز الزمالك....وتناسى ايضا ما فعله حكم مباراة الزمالك والمحلة في نفس السنة عندما اضاف تسع دقائق كاملة بالرغم من انه اعلن على ان الوقت 4 دقايق ولكن فضل اللجوء لقاعدة الهدف الذهبي فكافئة اسامه نبيه لاعب الزمالك في ذلك الوقت واهدى الفوز للفانلة البيضاء
استاذ محمود لن اخوض في تاريخ فريقك القذر لانك تعلمه اكثر مني وتعلم من هو صاحب البطولات الوهمية فعلا

(وادعي السقوط علي طريقة فاروق جعفر بحثا عن ضربة جزاء تحميه هو وفلافيو مع أنه في كلامه دائما قال الله وقال الرسول فكيف لمن يتحدث بالدين أن يمثل السقوط واستجاب له الحكم حمدي شعبان واحتسب له ضربة جزاء مشكوكا فيها ألف في المائة)

ومن انت يا معروف حتى تشكك في علاقة عبد بربه ...وهل وصل الفجر بك الا ان تستهزأ به وبأيمانه وهل سمعت ابو تريكة في اي حديث له يتكلم عن ايمانه وصلاته ودينه كما تدعي...ابو تريكة لاعب ومن حقنا ان ننتقده كلاعب لكن ليس من حق اي احد ان يهاجم عبد من عباد الله في دينه ويشكك فيه ...هل الحقد وصل بك الى تلك الدرجة لتتطاول على العبد وربه...حقيقة اندهشت في بداية الامر في انه كبف بجريدة محترمة مثل الجمهورية ترضى بمثل هذا الكلام السخيف ان ينزل على صفحاتها واين المسؤولين عنها اذا كان هذا الشخص الموتور قال هذا الكلام ولكني دهشتي زالت عندما تذكرت ان هذه الجريدة منذ اسابيع نشرت بالبنط العريض (صفعة في وجه الاهلي حسني عبدربه في الاسماعيلي) وغيرها من العناويين الاستفزازية التي مسخرة فقط للهجوم على الاهلي.


وفي تقديري ان عمر جمال لعب في هذه المباراة تحديدا أفضل من الشيخ أبوتريكة عشر مرات لكن لسوء حظه مع الدكتور الأدور انه يلعب في الاسماعيلي وإلا لذكر اسمه 237 مرة وليس 137 مثل عم الشيخ.

وتستمر وقاحة تلك الشخص في الاستهزاء بكلمة الشيخ وترديدها اكثر من مرة وذكر كلمة عم قبلها للزيادة في استهزاءه بها فأولا ابو تريكة لم يكن ابدا شيخ ولم يدعي الشيوخية حتى يقال عنه هذا فأبو تريكة شخص عادي مجرد ان اعطاه الله تدينا وايمانا يساوي اضعاف اضاف تدين تلك الشخصية ....ونأتي للنقطة التي تكلم عنها وهي ان عمرو جمال لعب افضل من ابو تريكة (من وجهة نظره المتواضعة جدا)...فلا ادري يا كابتن معروف من اين جئت لنا بهذه الفتوى فأنا اشعر اننا شاهدنا مباراة والكابتن معروف شاهد مباراة اخرى فالكل وباعتراف الجمهور الاسمعلاوي اجمع ان عمرو جمال كان واضع عليه الارهاق ولم يؤدي بالمستوى المطلوب بل ان جمهور الاسماعيلي عاب على مدرب فريقه اخراج محمد حمص وعدم اخراج عمرو جمال السيء جدا من وجهة نظرهم في تلك المباراة....فمن اين لك هذا يا ابو قلب ابيض بخطين؟؟؟


وهناك بعض الملاحظات علي المباراة بصفة عامة وهي أن عصام الحضري كان جريئا عندما أصر علي اللعب برغم عدم اكتمال شفائه وهو نموذج للاعب المخلص وحبذا لو اقلع عن تقليد فاتنة الرقص الشرقي دينا لكي يكون رجلا محترما
.

وهنا انتقل الكابتن المعروف محمود معروف للسخرية من السد العالي عصام الحضري وتشبيهه بالراقصة دينا وهذا حرام شرعا ايضا وانا اشك انه يعلم الشرع او انه قرأ الايات التي تنبذ التشبيهات المحرمة...وانا اقول للكابتن ان رقصة الكابتن عصام بعد المباراة افضل بكثير من حركات الاصابع التي يتخصصها لاعبوا الزمالك وحركات قلع الفانلة ورميها او الكلام البذيء الذي لا يخرج الا من لاعب زملكاوي وناقد زملكاوي مثلك ايضا.

شادي محمد أنه الأقرب إلي الله بلا تمثيل لهذا يوفقه ويجعله محافظا علي مستواه الذي لا يتزعزع

ويواصل الكابتن الهمام سخريته من امير القلوب ابو تريكة ويتدخل مرة اخرى في علاقته بالله سبحانه وتعالى وهذه الكلمة الاخيرة اتركها لحضراتكم لكي تعلقوا عليها.

وفي النهاية اود فقط ان اهمس في اذن كل من يقول ان الاهلي وراءه الصحافة الحمراء اريد ان اسأله اين تلك الصحافة الحمراء فرئيس قسم الرياضة في الاخبار هو فتحي سند ورئيس قسم الرياضة في المساء هو سمير عبدالعظيم وفي الجمهورية هو محمود معروف .....وكلهم ينتمون الى المعسكر الابيض ....فقط هي همسة بدون اي تعليق مني

ملاحظة : الكابتن محمود معروف ذكر في احدى برامج الفضائيات ان النادي الاهلي مسنود من اتحاد الكرة بصورة كبيرة والدليل على ذلك عقاب امير توفيق في المنتخب الاوليمبي لانه فقط تجرأ وترك الاهلي وذهب لانبي فأراد اتحاد الكرة معاقبته

ملحوظة: امير توفيق لم يلعب في الاهلي اساسا

محمد شبل

شاهد اخلاق لاعبي الزمالك



٨.١٠.٢٠٠٧

الدور على مين..............!




الدور على مين..

كــــــــــلاكيت رقم 102






بحصول الأهلى النهاردة على بطولة الكاس السوبر النهاردة


بيكون حقق البطولة رقم


102




الحمد لله على الفوز ده




ماحدش ينكر ان اول ما وصلنا لضربات الترجيح بدأنا نطمن ان البطولة لينا




منظر الحضرى وهو واقف فى مرماه ..زى الأسد فى عرينه




لكن على الرغم من كده..أكيد ده مايمنعش من أننا نقول ان الماتش مكانش ممتع أوى


ولسه أداء الأهلى مش هو الأداء بتاعه


يمكن عشان الغيابات اللى فى صفوفه


يمكن عشان الشد العصبى بسبب هزيمتهم فى تونس


فكانوا مشدودين النهاردة




بس ده ما مايمنعش ان لعب الأسمعاعيلى كان خشن شوية


ويمكن اللى بيدلل عليه الكارت الأحمر و ال6 كروت صفراء اللى اخدوهم




أما بالنسبة للكارت اللى أخده جمعة


فأنا معرفش ليه جمعة أتعامل بالعنف ده وعلى ايه ؟؟على اخر دقيقتين




اهم حاجة وزى ما اتعودنا مع الأهلى


النهاردة نفرح بالفوز


وبكرة نفكر فى الجاى و ننسى اى فوز حققناه




لازم نركز فى اللى جاى واللى جاى مش سهل


غير طبعا افتتاحية الدورى




عندنا المهمة الصعبة فى السودان


هنلاعب فريق مش هين


عنيد بره ارضه




وغول على ارضه




الهلال السودانى


خاصة اننا اشتبكنا مع لاعبيتهم فى ماتش الذهاب على أرضنا


وأخشى ان الرد ممكن يبقى عنيف اوى على أرضهم


ربنا يستر


ولازم الأهلى يركز جامد


عشان بالفوز اللى الاهلى ان شاء الله هيحققه


هيتصدر مجموعته ودى هتبقى الخطوات اللى هتقربنا بشده


للمكان اللى عنينا كلها عليه




اليــــــــــــــابان




مبررررررررررروك لكل الأهلوية

٨.٠٧.٢٠٠٧

عن أتحـــــــاد الكوسة أحدثكم!!ا



كتر الكلام اليومين دول عن ما يسمى جدلا و مجازا باتحاد الكورة المصرى،
يعنى مسميات كتير اطلقت عليه...زى اتحاد البيزنس و الاتحاد الأحمر وانا اهو سميته اتحاد الكوسة.
يعنى من الاخر مفيش حد فى البلد دى عجبه الاتحاد
بصرف النظر عن انتمائتنا الكروية
اهلاوى زمالكاوى اسمعلاوى اى حد
اى محلل بيجى فى التليفزيون و يتسأل على مستقبل الكورة فى مصر يا اما يبستم ابتسامة دبلوماسية و يحاول يحور فى الاجابة اكيد عشان مايزعلش صحابه اللى فى الاتحاد
يا اما ينزل تخبيط فيه و يحسسك انها بايظة بايظة و هى فعلا كده

طب لو نيجى نشوف انجازت الاتحاد ده
هنلاقيها صفر كبييييييير حاجة كده تشبه صفر المونديال




يعنى اعتقد ان مصر أم الدنيا بتنفرد بظاهرة انها مالهاش موسم كروىمحدد..ماشيين كده بالبركة ..وماتبصليش بعين راضية بص للى اندفع فيا

مانساش كلمة قالها الكابتن المهذب/محمود الخطيب وهو فى لقاء تليفزيونى وكان بيتكلم على الموضوع ده وبيقول ان لما كان الاهلى بيتصل باندية اوربية عشان يتفق معاهم على لعب ماتشات ودية
يلاقوا الناس بتقولهم معلش احنا ماعندناش اوقات فاضية ممكن نلعب فيها ماتشات ودية لحد سنة 2009 !!ا
يا نهار ازرق
واحنا الاتحاد بتاعنا عاجز انه يخطط لموسم كروى واحد!!ا
وطبعا الاجابة اللزجة اللى بيرد بيها الاتحاد

يقولك واحنا نعمل ايه ..جدول الدورى ده محتاج لساحر عشان يحطوا عشان يقدر يعمل توازن بين مواعيد الدورى و بين مواعيد البطولات التانية اللى بتدخلها الفرق...

وكأننا بسم الله ماشاء الله فى مصر هنا أنديتنا هى بس اللى بتدخل بطولات و هما بره فى اوربا وحشين و فاشلة و مش بيلعبوا بطولات تانية
وطبعا ده رد اقل ما يقال يقال عليه انه لزج


لان المعروف ان فى اصول للحاجات دى ..زى ما الدكتور علاء صادق قال -وهو فى وجهة نظرى المتواضعة-أفضل محلل فى مصر كلها..

قال
ان الموضوع بسيط جدا و ان الفرقة نسبلها 4 ايام قبل الماتش اللى هى مرتبطة بيه فى البطولة اللى هى داخلاها فى حالة اللعب فى مصر ..اما لو كان بره يبقى 5 ايام
ده الكلام الصح


والكلام ده يطبق على الكل..سواء اهلى او غيره ..عشان بقى الكلام الحمضان بتاع ان ده الاتحاد اهلاوى وبتاع..انا اهوه بقول يطبق على الكل
لكن نيجى بقى للى احنا عايشين فيه ده ..نلاقى دورى لسه ماخلصش وبطولة الكاس تبدأ وبعدين الكاس يخلص نلاقى اوبا الكاس السوبر ..وبعدين كل سنة وانت طيب الدورى بدأ


الايام جريت والله

مانساش كلمة قالها جوزيه ..قال الدنيا كلها السنة فيها 12 شهر الا هنا السنة 13 شهر...ومش مشكلة بقى لاعبية الاهلى وراحتهم، مهما اصلهم مكن شغال طول السنة مش بيعطل ومش مشكلة بردو أهاليهم وبيوتهم ..النتيجة طبعا بنلاقى لاعيبة الاهلى اللى هما العمود الفقرى للمنتخب بشهادة الجميع بيقعوا زى الدبان فى نص الموسم..




نيجى بقى لموضوع المواقف اللى بياخدها الاتحاد

مثلا لمشكلة زى مشكلة عبد ربه
بصرف النظر ان اللاعب ده محل نزاع
(ولو انه من حق الاهلى قانونا ) ..نيجى نشوف مهازل حصلت و الاتحاد لم يحرك ساكنا
يعنى الجماهير تغضب و تهديدات للاعب و نعش وافلام هندى ..المفروض ان اى اتحاد بيحترم نفسه يصدر قرار بوقف اللاعب من اللعب للاسماعيلى لمدة سنة..ويكون ده رادع قوى لاى جمهور خايف على فرقته انه يكبح جماح غضبه ...لكن احنا شايفين اننا عايشين فى غابة،
يعنى بالجهود الذاتية كده..اللاعب بعد ما وقع يقوم يقول انا خلاص انا رغبتى انى العب للاسماعيلى ..ما هو الراجل بردو خايف على نفسه وكأننا قاعدين فى مكتب تنسيق

نيجى للفضيحة بقى اللى هى بجلاجل ..وفشل المنتخب الاوليمبى

وخروجه المخزى من البطولة ..طبعا معنى فشل منتخب اولييمى يبقى مصر تفقد الامل فى منتخبها لمدة 5-10سنين قدام على ما يطلع جيل تانى

ضيف بقى على كده العقوبة الكوميدية بتاعة شيكابالا اللى فعلا تحسسك بعشوائية القرارات اللى بتطلع
يعنى اولا انا شايفة ان شيكابالا مش لوحده المسئول ..واذا كان الاتحاد جامد اوى كده و بيعاقب شيكابالا على سلوكه وبينتصر للمبادىء طب بالذمة كده
ايه اللى هيوجع شيكابالا اكتر ..انه يتوقف عن اللعب للمنتخب ولا النادى بتاعه ..مين اللى هينضر بالعقوبة دى ..المنتخب اللى هيخسر جهود لاعب ولا شيكابالا
يعنى اكيد اى مدرب لما يصدق ان لاعب من عنده مش هيروح المنتخب عشان مايتصبش ولا ييجراله حاجة
حكم احنا عندنا هنا فى مصر المدربين بيتعاملوا مع الدورى ..كانه دورى أبطال اوربا وبيحطوه فوق مصلحة المنتخب المصرى
طبعا

يعنى بالذمة كده هيجى ايه المنتخب جنب دورى بينافس فيه الاسماعيلى والزمالك على المركز التانى..والجيش وانبى وحرس الحدود على المركز الرابع
وبقية الفرق بتنافس على عدم الهبوط !!! مع احترامى الشديد لكل الفرق دى

نيجى بقى للنكتة اللى بجد
اللى هى السبوبة ...قصدى كاس السوبر

يعنى نادى واخد البطولتين الدورى والكاس ..المفروض هيلاعب مين؟؟ ...يجى الزمالك اللى هو المركز التانى يعتذر عن البطولة و بعدين التالت يسكت على اعتبار اننا المفروض نستنتج ان السكوت علامة الرضا و بعدين يتعرض على الرابع فيفكر شوية و بعدين يعتذر وبعدين اخيرا الاسماعيلى أعلن أنه وافق
مش فاهمة ايه التهريج ده
بردو مصممين يعملوها ..وقال يقولك انهم خلاص ارتبطوا باعلانات مع الشركات و كده ..وفى داهية بقى راحة لاعيبن الاهلى اللى مفحوتين طول السنة ..اهم حاجة الاعلانات و البيزنس


الواحد هيقول ايه بس
لو قعدنا نتكلم عن اتحاد الكورة ده الواحد عايز بوستات

لكى الله يا مصررررررررر

٨.٠٤.٢٠٠٧

ولا يهمك يا أهلى


قدر الترجى النهاردة مع كل اسف فى تحقيق

اول هزيمة لبطل افريقيا

وتعطيل المسيرة الاهلوية نحو الدور قبل النهائى

فريق كان كله أمله الاداء المشرف والتعادل مع الاهلى ليرضى جماهيره

فاذا به يفوز على الاهلى

بس عموما كل اللاعيبة ماكانوش فى حالتهم

حالة من الشرود وعدم التركيز كانت ماسكة الفريق

خط الوسط كان فى حالة ترهل و توهان وانعكس ده على خط الدفاع و الهجوم

مانقدرش نقول على لاعيب بعينه كان وحش لان كل اللاعبية كانوا مش مركزين

بالاضافة الى سوء حظ -بالبلدى كده ماكنش يوم الاهلى النهاردة-وكمان

الحكم المتعشى اللى كان شوية شوية هيقول للاهلى كلكو بره

انذارات زى المطر ايده ما سبتش الكارت الاصفر..وخلى كتير من اللاعيبة تفقد اعصابها

ولعل ابرز تأليفة من الحكم كانت الانذار اللى اداه لفلافيو مع ان فى الاعادة لاقينا فلافيو ماجاش جنب اللاعب بس نقول ايه

وطبعا الافلام التركى الهابطة اللى بيعملها لاعيبة تونس فى التمثيل و الحركات البلدى اللى بتتعمل دى لما يحبوا يضيعوا الوقت

وكمان تأثر الاهلى بغياب عماد متعب واسلام الشاطر


كله ده اكد على فوز الترجى النهاردة وماداش الاهلى اى فرصة

بس مهما كان ارجع واقول النهاردة الاهلى ماكنش فى حالته

و اعتقد ان الهزيمة دى مفيدة جدا بالنسبة للاعبى الاهلى

عشان يفوقهم و و يفكرهم بدرس عدم الاستهانة بالخصم مهما كان،

المعروف ان الاهلى لما بيتحط تحت ضغط بيدى كل ما عنده ودى فرصة كويسة للاعيبة عشان تفوق و تركز وتفتكر طعم الهزيمة مر ازاى

مش مشكلة هزيمة النهاردة

مهما كان مفيش فريق بيكسب على طول


وان شاء الله نركز فى اللى جاى

تحديث من مهند
التمثيل وتضييع الوقت من تونس كلها مش الفريق ده بس
والكل فاكر ماتش الصفاقصي واللي عملوه
لكن قمة حرق الدم فعلا منت العيال اللي بتلم كور ورا الشبكة
العيال بمنتهي البرود أمير بيقولهم هاتوا الكوره ودول واقفين متسمرين وفي الاخر واحد منهم رضي عنه ومد ايده وقاله خد وكمان عايزه يجي ياخد الكوره منه مش هو اللي يوديها لامير
عنده حق يا اخي هو شغال عند اهلنا
لا حول ولا قوة الا بالله
بلد مستفزه فعلا
بالنسبة للحكم
ارجو من الاتحاد الافريقي يجعله حكم كل مباريات الاهلي والزمالك
علشان الزمالكاويه تفرح علي ايده
اصله بيخاف قوي
ومبيشوفش اصلا
والله العظيم جنب الكوره ويرفع ايده الناحية التانيه
تقريبا كانت وجعاه
معلش يا جماعه اصلي اتشليت من الماتش
تحياتي