يا الللللله
ايه كل الصويت و العويل و النواح على عبد ربه ده !!!
ايه يا جماعة
مع احترامى الشديد للاعب
هو احنا بنتخانق على ماردونا ولا رونالدنيو وانا مش عارفة ولا ايه
الواحد مش بيقع فى ايده جورنال ولا برنامج رياضى الا
و يلاقى تصريحات و اتهامات و توعدات
اما بقى لما تشوف ال sMS على القنوات الفضائية تحس كاننا خلاص
بصدد حرب اهلية
وكل ده لييييييييه
؟؟؟؟؟
عشان عبد ربه
سورى يعنى لو جه الاهلى اهلا وسهلا بيه لو هيروح الاسماعيلى الف سلامة و نتمناله التوفيق
لكن تهديدات و اتهامات بالخيانة و القذارة للاعب
و بالخطف و السرقة للاهلى
ده كتير اوى
يعنى احنا المفروض دلوقتى المفروض اننا مطبيقين نظام الانحراف-اقصد الاحتراف- الكروى
يعنى بقى انتماء اللاعب للتى شيرت اللى لابسه
ولما النوادى بتبيع اللاعيبة بين بعضها بيبقى عادى
انما بقى لو كان الاهلى هو اللى بيشترى
يبقى النفوذ الاحمر اللى بيسانده و الاتحاد ذو الميول الحمرا مطبق نظام الانحراف عشان الاهلى
و يهلل ليهم العنكبوت الاعلامى الاحمر
بقى كله خلاص لونه احمر طالما الاهلى هو اللى شارى
للدرجادى انت كبير و عظيم يا اهلى
ونفوس الحاقدين متبربصالك
الموضوع مش موضوع لاعب مهم الاسماعيلى متمسك بيه
الموضوع موضوع انتقاله للاهلى
واكبر دليل على كلامى ...ان الزمالك عمل نفس العمايل بردو لما اينو فضل الاهلى على الزمالك
ذوقوا اللاعب المر ... وذلوا فيه ...وفضلوا وراه عشان يجيبولوا وقف سنة
نداء لكل اندية مصر
الاهلى بدون غرور مش محتاجلكوا...واى لاعيب عندكو يتمنى اللعب فى الاهلى
وبقت الموضة دلوقتى انهم يشوفوا اصل كل لاعب فى الاهلى كان بيلعب فين ويقولوا عليه ابنهم
يعنى ابو تريكة يقولوا عليه ابن الترسانة!!!
مع ان سبحان الله ولا حد كان يسمع عن ابو تريكة وهو فى الترسانة
و عماد النحاس و اسلام شاطر كانوا مين وهما فى الاسماعيلى
و شادى محمد وهو فى نادى الكروم ..اللى بقى الليبرو الصاعد فى الاهلى دلوقتى
واخد لقب احسن مدافع فى استفتاء كانت عملاه قناة دريم
الفضل بعد ربنا سبحانه وتعالى للاهلى و ادارته الناجحة
هى اللى ساعدت فى عمل النجوم دى
فمش عبد ربه و اينو
مع احترامى ليهم
اللى هيهزوا الاهلى
يعنى انا مثلا بسمع كتير ان محمد شوقى عايز يحترف وان حسن مصطفى
مش عاجبو اقعدته الكتير على الدكة
وبيقول ان مفيهاش حاجة لو راح الزمالك
قلت لنفسى و ايه يعنى ولا حد منهم هيهز الاهلى
بالرغم ان اللاعبين دول جامدين جدا ومشهود بكفائتهم
لكن الاهلى اكبر بكتير من انه يلعب لاعيب غصب عنه
لسه من شوية قارية خبر على موقع يلا كورة ان جماهير الاسماعيلى
استقبل عبد ربه استقبال حافل بعد ما صرح على قناة دريم
انه عايز يرجع للاسماعيلى
نفسى اسألهم سؤال
بذمتكوا انتو مصدقين نفسكو
؟؟؟؟
مصدقين كلامه على دريم انه يتمنى يلعب فى الاسماعيلى فعلا
ولا كلام ده الجدع قاله بعد ما خلاص طهقتوه فى عيشته و هددتوه و عملتوله قلق فى حياته
عايزة اقولكم اللعب مش بالعافية
تحديث من مهند
يا جماعه بصوا علي السيناريو اللي هيحصل كالتالي
هيتحكم لنادي ستراسبورج
النادي هيسال اللاعب عايز تروح فين ؟
اللاعب هيقول عايز اروح بيتنا التاني الزمالك
جماهير الاسماعيلي هتقيم الافراح
ويا عيني علي الاهلي اللي بيخطف اللاعبين
ويا عيني علي الاسماعيلي اللي لاعيبته مش له
حاجه كمان
الاهلي مخدش النحاس من الاسماعيلي ولا اخد بركات من الاسماعيلي ولا اسلام الشاطر
دول كانوا بايعينهم لفرق خليجية والاهلي اشتراهم من هناك
والاسماعيلي باع حسني لستراسبورج ورجع استعاره
طيب وكان ليه من الاول
يالا هنقول ايه
اتدلع يا كايدهم
هناك ١٧ تعليقًا:
السلام عليكم
يا نرمين كنت هكتب عن الموضوع ده بس مستني شوية
يالا سبقتيني
علي فكره ولا هما عايزين حد ولا حاجه
هما بس عايزين الاهلي ميخدش حد وخلاص
علي اعتبار حجة البليد مسح الصنبوره
ويحي الكومي كان بيتمني ان الاهلي ياخد عبد ربه علشان الهزيمه بتاعته الجايه يقول الاهلي خطف مننا اللعيبه ومش عارفين نلعب
المهم قريب هكتب عن الموضوع برضه
تحيايتي
ههههههههه معلش يا مهند...توارد خواطر بقى ....على العموم اكتب فيه طبعا اكيد انا ماغطتش كل اجزاء الموضوع...وبعدين احنا عايزين نزود شوية بوستتنا ..وماتكنش المدونة مجرد تعليق على الماتشات...واكيد لو كل حد فينا كتب فى نفس الموضوع هنغطى معظم أجزاء الموضوع
تحياتى وكل سنة وانت طيب(عشان رجب)
ولو انه مش عيد يعنى :ي
أتمنى أن ربنا يطول في عمر لاعيبة الأسماعيلي عشان خاطر جمهور الأهلي العظيم وربنا كبير وحوادث الطيارات بتحصل كل يوم :-P
egypt eyes
يا نهار ازرق:|
انت جاى تدعى على لاعيبة الاهلى فى مدونة الاهلى !!!
على العموم طبعا ده هزار.. وماعتقدش ان المفروض حتى لو بهزار نتمنى الموت لناس شرفوا مصر ورفعوا اسمها بره...شرفتنا يا عيون مصر
السلام عليكم ورحمة الله وبركاته
الموضوع بتاع عبد ربه ده فكرني باللي حصل ايام انتقال رضا عبد العال من الزمالك للاهلي ، يوميها الدنيا قامت ولا قعدتش وكأن العالم ولع حريقه كل ده علشان لاعيب مع احترامي ليه بس طلع ولا نزل هايجي ايه في تاريخ الاهلي الطويل واللي مليان بالانجازات ،
ومش لاعب ولا اتنين هما اللي هاتقف عليهم البطولات ،الله يرحم ايام ما حسام وابراهيم راحوا الزمالك عادي مع الف سلامه و لا اكن حاجه حصلت مع ان الزمالك ماشمش البطولات الا ايام ما كانوا فيه
شوفوا يا جماعه الاهلي فاتح بابه اللي مش عاوز النادي الباب يفوت جمل، واللي بيعشق ترابه او حتي بيتمني انه ينول شرف اللعب فيه اهلا وسهلا وهو ده اللي مدي للاهلي قيمته وعمل تاريخه
وارجع اقول ان مش الاهلي اللي هايتهز علشان لاعب راح ولا جه وزي ما قلتي يا نورا الاهلي هو اللي بيعمل الاعيبه واللي قبله ما بيكونش اي حد سامع عنهم ، مش اللاعيبه هي اللي بتعمل الاهلي
تحياتي
tبس ما تزعلاش مني الاهلي من زمان هايموت ويضم حسني عبد ربة بدليل انة اعلن بالفعل انة تعاقد معة اما بخصوص ان عبد ربة دة ماردونا ومش ماردونا فهذة هي عادت كل لاعب يتعاقد معة الاهلي و الزمالك مثل سماكة وعمرو ذكي وبشير التابعي و شيكابالا وغيرهم الكثيرون من الاعبين
السلام عليكم
اهو حرق دمكم كلكم وقال انا عاوز الاسماعيلي وهرجع بيتي تاني
ورجع بيته والحمد لله
ومن غير لاعيبة الاسماعيلي الاهلي كان زمانه درجة تانية
بس عاوزين نعرفكم ان الاهلي مبيعرفش يعمل لاعيبه
وبلاش بقي حتة اي لاعب في مصر يتمني يروح الاهلي
عشان حسني قلب التربيزة علي الكل
ودلوقتي جايين تقولوا الاهلي مش بيقف علي لاعب
دارويش يا حبي...يا حتة من قلبي
حسني عبد ربه...دراويش جوا في قلبه
عمرو غريب
يا اهلا بيك يا كابتن فى مدونتنا
بص انا معاك فى ان اى حد الاهلى يفكر يشتريه الناس بتعبره لاعيب سوبر
مش عيب ان الاهلى يدعم صفوفه بلاعيبة كويسين ومش عيب بردو ان الاهلى يكون مصر على اتمام صفقته ...لان ده اسمه اجتهاد و اتقان فى العمل ...لكن لما صفقة بتروح مننا مش بنقعد بقى نلطم و نعيط و نصوت و نتهم الكل بالعمالة و الخيانة والكوسة زى اللى بالى بالك ما بيعملوا ...لان واحد راح فى مية غيره ممكن يجوا...ولسه قارية مقالة على موقع يلا كورة و الكاتب بتاعها بينتقد الاهلى انه اصابه الغرور و انه مابقاش بيهمه الصفقات ولما صفقة بتروح منه مش بيكون مهتم و بيقول مش مهم...مش عارفة يعنى لا كده عاجب ولا كده عاجب
تحياتى
___________________________________
الرقص مع الذئاب
هههههههههه براحة بس شوية عشان بتخض
بلاش والنبى بقى نغمة الاهلى بيكسب بلاعيبة الاسماعيلى و كده..وماتنسوش انكو بردو عندكو كام لاعيب اهلاوى عملوا منظر لفرقتكوا ..زى احمد سمير فرج و محمد فضل وهانى سعيد....و الكام لاعيب اللى انتو قاعدين بتتحسروا عليهم دول مش هما سر نجاح الاهلى و تحقيقه بطولات لوحدهم ..معلش الاهلى حقق 101 بطولة ...شوفوا الكام لاعيب اللى كانوا عندكو - واللى الاهلى ماشربهمش حاجة اصفرة عشان يجوه- حققوا معاه كام بطولة ...وبعدين اعتقد ان مبالغ اوى موضوع اننا كنا هنكون فى الدرجة التانية ...ممكن كنا بس نكون تالت الدورى او نكون سلام
اواخدين المركز التالت فى الكاس بس :P
بالنسبة ان انت مش مصدق ان اى لاعيب يشرف انه يلعب للاهلى ...شوف سيد معوض بيتباهى انه الوحيد اللى حقق بطولتين مع الاسماعيلى ...وانيس بوجليان بقاله 6 شهور بس فى الاهلى و حقق معاه 3 بطولات شوطة واحدة :ي
نوكومنت فعلا
حسنى يا كابتن ماقالبش الترابيزة ولا حاجة...حسنى استسلم للامر الواقع ...واحد اتهدد فى نفسه و اهله وطبعا موضوع التهديد ده سابقة يتمتع بيها جمهور الاسماعيلى فى دنيا التشجيع و ضرب اجمل مثال للروح الرياضية كالعادة ...وكان جامد اوى موضوع النعش اللى شلتوه ده و جو ذئاب الجبل اللى عملتوه:ي فعلا حاجة تشرف الرياضة فى مصر :]
وبالنسبة ان موضوع ان حسنى ابدى رغبته فى اللعب للاسماعيلى بعد ما وقع للاهلى ...احب افهمه و افهمكو حاجة صغيرة ...احنا هنا مش فى مكتب تنسيق بنبص للميول و نفسوية اللاعب نفسها تلعب فين...الموضوع مش لعب عيال دى عقود و و فلوس ادفعت ..حاولوا بقى تفهموا نظام الاحتراف شويةةةة مش ممكن احنا بقينا فى 2007 وعموما الاهلى مايلزموش لاعب مش عايز يلعب فيه ..احنا مش لازقة زى ناس
يا ريت جمهور و محبى الاسماعيلى يحاولوا يخترعوا افيهات و تشجيعات جديدة غير الافيهات الخاصة بالاهلى ..يعنى التقليد حتى مش فى دى كمان
نورت يا فندم :ي
السلام عليكم ورحمة الله وبركاته
قلتي اللي كنت عاوزه اقوله يا نرمين
وحاجه كمان ، لا يخفي علي احد ان وراء عودة حسني الي الاسماعيلي تدخل كبير جدا من علاء مبارك والذي طالب مسؤلي الاهلي بالتخلي عن اللاعب ليعود الي الاسماعليلي حقنا للدماء
والكلام ده من موقع يلا كوره :
على الرغم من أحقية الأهلي في اللاعب ولكن اللاعب لن يلعب في الأهلي لأسباب – سياسية ورياضية وأجتماعية
– لأننا نتعامل مع الكرة على أنها حرب عالمية !
وطبعا لو احنا هنا في مصر بنتعامل علي اننا في عصر الاحتراف بمعني ان اللاعب انهارده في الاهلي بكره في الاسماعيلي بعده في الزمالك ...والخ
كان الوضع هايتغير كتير اوي عن الموجود بس للاسف ان لاعب ينتقل من نادي لنادي تبقي مصيبه ويقام عليه الحد بوصفه مرتد وخائن ويهدر دمه ، اكيد دي كارثه واعتقد ان ده من ضمن الاسباب الاساسيه لتأخر الكره عموما في مصر
ملحوظة :
نرمين , كليك هير http://www.tawahaaan.blogspot.com
خمسة فضفضة
كلامك مظبطوط ...بس صدقينى لو كان عبد ربه راح الزمالك ماكنش حصل نص اللى حصل ده ...دايما لما لاعب بيروح الزمالك بيقولك الزمالك اشترى لاعب ...انما لو الاهلى عمل كده يبقى اسمه خطف لاعب...بلدنا بقى هنعمل ايه
تحياتى
_______________________________
ندل
هرد عليك هنا بقى عشان انا ماردتش هناك على ولا كومنت و بصراحة مكسلة ارد على الكومنتش و نفسى مسدودة :ي
ايه يا عن الغيبة دى كلها ...على العموم ويـــــلكام باك .
على فكرة فعلا انا بقيت مركزة اكتر مع مدونة الاهلى :ي انت عارف بقى الدم اهلاوى :ي
بالنسبة للينك اللى انت باعتهولى ده ...هو انا اللى استجته ان انت كل ما تفتح الصفحة بيقولك جينرال ايرور
.مش عارفة بقى ..مع ان الصفحة بتفتح معايا عادى ...وخليت واحدة صحبتى تفتحها و السايت فتح معاها عادى و الاغنية اشتغلت ...يلا ما علينا...ماتقطعش كده تانى بقى :ي
سلام
الى الراقص مع الذئاب
انا عايز اعرف يا اخ انت جاي تتكلم هنا ليه...اكيد انت تعرف تقرأ وشايف ان دي مدونة الاهلي مش مدونة مزارع شبعا اللي انت منها
وبعدين لاعيبة الاسماعيلي ايه يا رقاص انت ...انتوا كدبتوا الكدبة وصدقتوها...يعني بركات والنحاس والشاطر والناس دي كانت من قطاع الناشئين من عندك؟؟؟...ولا محمد فضل اللي شايلكم وهو سبب اللي انتم فيه دا منين؟؟؟....وهل احنا بهبهب زيكم ونقول الاسماعيلي بيسرق وبينهب
يالا يا حبيبي على بيت الزواحف اللي انت جاي منه ومنشوفش وشك هنا تاني....يا بتاع مزارع شبعا انت
ومن الشباك
كلك ذوق وادب
إنسان في منتهي الاحترام
يعني مش عارف اقول علي ردك دا ايه؟؟
اولا انا داخل هنا عشان اخواني مهند وخمسة فضفضة ورينا وسارة ...
الناس ديه انا اعرفها من زمان عن طريق التدوين
لا دخلت تطفل ولا حاجة
وكلامي مداعبة للناس اللي هنا عشان دا طبعنا علي طول سواء في الشات بوكس او في المدونات مع بعض او حتي علي الماسنجر مع مهند
اتمني انك تعرف تتكلم مع الناس بعد كدا عشان عيب...انت مش بتكلم عيل صغير ....
اقعد كدا مع نفسك وقول انا دخلت اشتم واحد معرفهوش ومعرفش حاجة عنه بسبب انه بيشجع الاسماعيلي وانا بشجع الاهلي
انا بقول لمهند والدكتورة خمسة فضفضة ورينا لو كنت هعرف ان حد هيوجه ليا إهانة بالشكل دا مكنتش دخلتها
دمتم في خير
السلام عليكم
في الشباك
محمد صديق واخ شخصي ليا
وموضوع الاهلي والاسماعليلي زي القط والفار
وهو بيهرج انا عارف
وبعدين المدونة يدخلها اللي منتمي لاي حزب كروي
مش لازم اهلاوية بس
تحياتي
---------------------
محمد اخويا وصاحبي وحبيبي
متزعلش يا اخي
بس انت عارف التعصب ضد بعضنا
يعني اي اهلاوي يشوف الكلام بيتحرق دمه عادي يعني
متزعلش وتقبل اسفي الشخصي
علي فكرة احنا اخدنا بركات والنحاس من فرق خليجية مش منكم
يعني انسوا الحوار ده
:P:P:P:p
سلام يا صاحبي
Nermeen
لا مش جنرال ايرور ولا حاجة
بس كنت بفكرك ان ليكي مدونة لتكوني نسيتي اللنك
اه متهيألي عنوانها كان
Se@rch!nG fOR m@ oWn LeGenD
" فانا بتعهد قدام نفسى ان البلوج ده هيكون منبر (حلوة منبر دى:ي)لاى حد تايه ونفسه يلاقى حتة يتوه فيها اكتر"
فيكي صفات كتير لكن الكسل وضعف الارادة مش منهم
اتمني انك تعرف تتكلم مع الناس بعد كدا عشان عيب...انت مش بتكلم عيل صغير ....
اقعد كدا مع نفسك وقول انا دخلت اشتم واحد معرفهوش ومعرفش حاجة عنه بسبب انه بيشجع الاسماعيلي وانا بشجع الاهلي
=======================
اعتقد مش حضرتك اللي هيعلمني اكلم الناس ازاي او متكلمش ازاي.....ولو في دلالة ان حضرتك بتهزر كنا قلنا ماشي لكن كلامك مستفز جدا جدا جدا لاقص درجة حتى رد الناس عليك مكنش فيه اي دعابة عشان اعرف انك تعرفهم ولا لا؟؟
اعتقادي انك واحد داخل المدونة بتاعت الاهلي عشان تشتم فيه لان للاسف فيه من دا كتير في اي منتدى اهلاوي تلاقي في النص شوية براطيش من بتوع المانجة ملهمش لازمة داخلين يتكلموا
عموما بما انك صديق الاخوة اصحاب المدونة فأنا بعتذر ليهم واحد واحد وبعتذر ليهم سوء فهمي
ومعلش انا متعصب شوية والواحد بيسمع حاجات من الناس دي تخليه يتشل حتى الرئيس بتاعهم طلع في دريم وقال ايه...مسؤولوا الاهلي عرضوا عليه في بيته 3 مليون دولار عشان حسني عبدربه...وفي النهاية بتقولوا بلاش تعصب....طب ازاي؟
بكرر اسفي
ندل
خلاص خلى الكومنتس بينا تكون فى توهان عشان مدونة الاهلى مش ليا لوحدى
وياريت تقرا تعليقى فى اول بوست فى المدونة (بسم الله الرحمن الرحيم و هنبدا الليلة)
_______________________________
ومن الشباك
بشكرك انك اعتذرت ..لان فعلا ردك كان قاسى اوى ..
بس على فكرة انا كمان ماكنتش اعرف ان تعليق (الراقص مع الذئاب ) كان على سبيل المداعبة !!
بس عموما بلاش نكبر الموضوع ..مبروك عليك و علينا فوز الاهلى ..واتمنى مشاركتك معانا بكومنتاتك فى باقى البوستات
تحياتى
إرسال تعليق