اهــــلاويات

1

بعد عودة مانويل جوزيه من أجازته فى البرتغال...واستئنافه لمهامه مع الأهلى ...احب أقول لكل اللى شمتوا فى الأهلى

احترسوااااا

الــــــــــــــــعــــــو رجعلكوا

2

سبحان الله

الكاس ماكملش اسبوع سليم مع النجم الساحلى...واتجاب حتتين

تفتكروا صدفة؟؟؟

ان شاء الله الكاس هيرجع لمكانه الطبيعى السنة الجاية فى نادى الجزيرة

3

جمعة انت راجل فى زمن قل فيه الرجال....وان شاء الله ترفع راس الاهلى خلال مدة اعارتك لنادى السيليه...

عمرك ما اشتكيت من قعدتك على الدكة وركنة جوزيه ليك فى بعض الأحيان ...وكلامك بعد هزيمة الاهلى عن انك عايز ترفع الحرج عن النادى فى تجديد دم الفريق وانك تحت أمر النادى...بيثبت ان معدنك اصيل اوى
عمرنا ما هننسى صخرة دفاع مصر و الأهلى

4

خمس اجوان فى اقل من اسبوعين...ايه شغل الجملة ده:ي

على العموم حمد الله على السلامة يا مجرم:)

5

دموع طفل اهلاوى ...محروق على اللى بيجرى لفرقته

6

عملت اللى فى دماغك يا ابو على وانت اللى ضحكت فى الآخر و نفذت كل طلباتك

ربنا يكرمك و يوفقك فى اعارتك

بس بردو ماكنش العشم ...انك تتشرط كده فى وقت النادى محتاج فيه للمعادن الاصيلة

بس بردو حقك

7

مش هنقعد نحبط فيك ..ونقول بلاش ننخدع بالبطولة الضعيفة دى..

هنقولك الف مبروك على الفوز بالبطولة العربية

لكن بالنسبة لغانا وتصفيات كاس العالم

يا خوووووووفى يا بدران

8

باشا انت قايدها حريقة..وبرنامجك هنا القاهرة عامل قلق من المحيط للخليج:ي

وفعلا انت حاجة مشرفة لمصر...وبنعتبرك موسوعة رياضية شاملة متحركة..

ربنا يكرمك و دايما تتكلم بالحق..وتدافع عن مصر ضد اى حد بيتربص بيها اعلاميا....

وانت هناك فى تونس فى ماتش الفينال:( لما كنت فى قناة حنا بعل التونسية...كنت واكلهم فى القاعدة:)..كنا بنحس ان هما اللى ضيوفك مش انت اللى ضفهم

بس احب اهمس فى ودنك بس بحاجتين...عشان الحلو يكمل

اولا

هجومك المستمر على الغندور بلازمة ومن غير لازمة...بيحسسنا ان الموضوع تصفية حسابات شخصية...هنا القاهرة بتاعنا كلنا مش بتاعك لوحدك

ثانيا

بلاش تخلى المتربصين بيك يعرفوا يصطدولك الاخطاء من كلامك

ابعد عن التشبيهات والالفاظ اللى بتطلقها على الناس

زى تشبيهك للعرجون بالاعرج وان المغرب بلد المتعة الى آخر هذا الكلام..

صدقنى ممكن تقلب مرة بجد..ويترفع عليك قضية قذف وسب احنا فى غنى عنها..ويتحكم عليك بتعويض خيالى ..وتسوأ سمعت البرنامج التحفة ده

وافتكر قول الله تعالى

ولا تنابزوا بالالقاب

9

شعار المرحلة الجاية

ارفـــــــــــع راسك فأنت أهــــــــــلاوى

تحياتى

نـــيـــرمين

!!! لا تحسبن برقصها تعلوا على أسيادها

نعم اتى هذا اليوم الذى لطالما كنا نخشى حدوثه رغم علمنا علم اليقين انه ات لامحالة...ربما لم نود ان يأتى هذا اليوم ..فى اليوم الذى ننتظره منذ شهور...نعم شهووور من احلام متواصلة ببلوغ بلاد الساموراى للمرة الثالثة على التوالى و تحطيم ارقام قياسية جديدة ....نشبع بها تعطشنا لتحقيق المزيد و المزيد من الانتصارات والارقام القياسية

ولكن

قدر الله وماشاء فعل

جمله ينطق بها قلب كل اهلاوى

وربما تكون هذه هى فرصتنا لتذوق طعم الهزيمة المر ...والذى نسيناه و اعتدنا على طعم الفوز و الانتصارات....ربما تكون فرصة لتعلم ثقافة الهزيمة...ولو ان الدرس كان قاسى اوى بس الحمد لله....وارى اننا لسنا بأفضل من المانيا التى خسرت فى الدور قبل النهائى فى بطولة كأس العالم 2006على أرضها ووسط جمهورها ...عندما باغتتها ايطاليا بهدفين فى الوقت القاتل من المباراة ... بس هما محظوظين ماكنش العرجونى اللى بيحكم ماتشهم

جئت اليوم لارفع شعار كلنا مخطئون .....ولنبدا بنقد انفسنا قبل ان ننقد غيرنا...فنحن جماهير الاهلى اعتبرنا المباراة محسومة من سوسة ونسينا دروس الماضى والتى اعطيناها لغيرنا...وانعكس هذا بالطبع على اللاعيبين...واصبح الجدل القائم هو الاهلى هيغلب كام؟؟؟ وجاء الرد قاسيا للغاية و اشاحت الساحرة المستديرة بوجهها عنا التى لطالما اعطتنا اياه..غضبا منا على تجاهلنا لاهم قواعدها ومبادئها الا وهى ...

مفيش حاجة مضمونة فى الكورة
ولكن ربما يكون هذا الخطأ خطأ جماعى....فهو ليس مسئولية الجماهير فحسب ...بل من الجميع ...بما فينا من محللين رياضين ونقاد

بتغاظ اوى لما محلل يطلع يقولك بعد الماتش ...اللى حصل ده كنت متقوقعه من شهور...لا معلش ماحدش كان متوقع الهزيمة

ولكن نأتى للخطا الاكبر و الاعظم من جماهيرنا الوفية والتى لطالما اثبتت وفائها و اخلاصها الكامل فى احلك الاوقات....ولكن مع الاسف جينا وقت الجد و خذلنا الرجل الذى حقق معنا 12 بطولة ...الرجل الذى رفعناه و اطلقنا عليه اجمل الالقاب

الساحر الثعلب العبقرى و غيرها وكنا عايزين نعملوا تمثال فى النادى

مع اول اختبار حقيقى لاخلاصنا للنادى و المدرب؟؟؟ ننسى كل الذكريات الجميلة ...خلاص قوام بقى وحش و لازم يمشى وكفاية عليه كده..... ماحدش يختلف ان ليه غلطاته ...بس مفيش مدرب يقدر يكسب على طول...وكلنا عارفين ان جوزيه فى الفترة الاخيرة كان بيعمل من الفسيخ شربات...وكتير كنا بنكسب ماتشات صعبة بتوفيق من ربنا سبحانه وتعالى فى المقام الاول...ثم بفضل جوزيه...فى وسط الانهيار البدنى الرهيب اللى بيعانى منه لاعيبة الاهلى ....اللاعيبة دلوقتى بقت تعمل هجمة واحدة و تقف تمسح عرقها !!!.

نقوم نعامله كده!!!.. انا عارفة ان اليوم ده كانت الاعصاب منفلتة وماحدش كان مصدق....عموما كلنا مدينن للراجل ده بالاعتذار
كل اللى اقدر اقوله للراجل ده بكل احترام ...انت افضل مدرب اجنبى جه فى تاريخ الرياضة المصرية والكلام ده باعتراف المنافسين قبل المشجعين
لكن احب اهمس ليك ببعض الاسئلة

وائل جمعة كان بيعمل ايه على الدكه؟؟ انت فاكر ان صديق لسه ماصداش من الركنة ؟؟؟؟اسامة حسنى كان مرزوع على الدكة بيعمل ايه؟؟؟ بتقول ان انت دفعت بشديد قناوى عشان ياخد ضربة جزاء...طب بذمتك ده كلام؟؟؟!!! مش جه الوقت بقى اننا نصعد ناشئين؟؟؟

اما ادارة الاهلى والتى لطالما كانت مثلا يحتذى به من الجميع...وتحاول ادارات الاندية الاخرى تقليدها؟؟؟اكتفى بقولى لها
دفعتو التمن غالى اوى لما غليتوا التذاكر.....النتيجة كانت جمهور متفرج ....جمهور الايس كريم على راى مدجت شلبى

اما عن الحكم المدعو بالعرجونى ....تافئلنا كثيرا قبل المباراة عندنا سمعنا انه من سيدير المباراة خاصة وان له معنا ذكريات طيبة ..الظريف انى
سمعت ناس بتقول هو كان كويس اوى فى كل حاجة ...ماعدا ضربتين الجزاء اللى ما حسبهمش ...حد يزغرد يا جماعة ...ضربتين جزااااااااء فى ماتش نهائى يتغاضى عنهم الحكم ازااااااى حد يفهمنى !!!واللى بيقولوا ان وقعة شديد قناوى مش ضربة جزاء علشان على الحدود المنطقة وفيها شك...طب فيها شك ...طب مش المفروض تتحسب فاول...لكن عاااادى خالص....هو العرجونى عجبته النتيجة كده واللى مش عاجبه يخبط دماغه فى الحيط ..ماتنسوش هو اللى معاه الصفارة

طب بلاش الفاولات و ضربات الجزاء...المفروض انهم بيقولوا عليك حكم مخضرم و نزيه و بتاع ...انت عارف لعيبة شمال افريقيا اللى انت منهم وعارف طرق اللعب الرخيصة اللى بتتعمل من تمثيل الاصابة و تضييع الوقت و الاستفزاز و حرقة الدم...ليه ماخلتش عندك شخصية فى الماتش ووقفت المهزلة دى بكارت اصفر....زى اللى طلعه زميلك فى ماتش الذهاب فى تونس لبركات لما وقع وكان المفروض ياخد ضربة جزاء مستحقة ...لكن زميلك اداله كارت بداعى التمثيل..واتحرمنا منه فى ماتش النهائى....ليييه؟؟؟ ...كون انك ترفض استدعاء الاسعاف للاعب تونسى قاعد بيرفس على الارض وماحدش عمله حاجة...ده اعتراف ضمنى منك انك مش مقتنع انه مصاب...ليه ماطلعتلوش كارت...كان الباقى هيلم نفسه ويعرف ان فى حكم فى الماتش

مش هقول غير

حسبى الله و نعم الوكيل

نيجى بقى للجزء اللى انا نفسى اكتبه بفارغ الصبر...

جمهور الزمالك و الاسماعيلى

بداية كده قبل ما ابدا كلام....انا برفض مبدأ التعميم فى كل حاجة....وما زلت مقتنعة ان فى ناس كويسة من الجمهورين...الفئة المحترمة دى...يا ريت تخرج نفسها وماتخدش الكلام على نفسها و ماتزعلش من الكلام اللى هقوله للغير محترمين وكل واحد اكيد عارف نفسه

ولو ان جمهور الاسماعيلى و الزمالك وجهين لعملة واحدة ...الا انى هتكلم عن كل جمهور على حدة

اول حاجة ابدا بالكلام الدراويش

فى مقولة حضرتنى اول ما شفت احتفالتكوا بهزيمة الاهلى....

العيبة لو طلعت من اهل العيبة ماتبقاش عيبة
مش هتكلم عنكم كتير ...يعنى نادى تاريخوا كله 6 بطولات ...مايستحقش اننا نفردله مساحات كتيرة فى مدونة نادى عنده102بطولة...طبيعى يكون عندكو عقد نقص ..ولما صدقتوا تحتفلوا باى حاجة ....القارعة تتعايق بشعر بنت اختها زى ما بيقولوا....وعموما دى اخلاق الصغيرين...وسورى ان كانت لغة الحوار انحدرت بس الواحد بيتكلم على مستوى كل واحد....وادينا شوفنا فى الفيدوهات اللى حطها مهند اللى بتنقل احتفالات الاسماعلية بهزيمة الاهلى ...والكلام العجيب اللى كان فيها وناس بتنادى بعض باسماء من عينة .حدوتة و حسن اللول ولا نون مش عارفة

حاجة راقية اوى

حاجة بس بسيطة عايزاكوا تفتكروها...يوم خروجكوا من البطولة الكونفدراليه هل فى اهلاوى عمل اللى انتو عملتوه!!! اينعم انتو اصلا اقل من ان حد يحطكوا فى دماغوا و يتربص بيكم ....بس انا نفسى بس المقارنة دى تحصل...وعموما نار الغيرة مش بتحرق غير صاحبها
كفاية كده كلام عليكم

نيجى بقى ...للكلام عن مدمنى المركز التانى و محققى الارقام القياسية فى الخروج من البطولات بفضائح بره و جوه و من الادوار البدائية ..انهم جمهور القطب اللى فارضينوا علينا الثانى للكورة المصرية دون اى امارة

نادى الزمالك

ان جمهور الاسماعيلى يشمتوا ويشتموا فينا...فده شىء عادى... هما بيكرهونا طول عمرهم ...و عايشين فى الدور بتاع برازيل العرب الى آخر هذا الكلام ..و مسيطرة عليهم نظرية المؤامرة وأن الاهلى بيخطف لاعبيتهم اصلهم عيال تايهة واحنا بنروح نخطفهم بليل على اساس انهم لو كانوا لسه معاهم كانوا عملوا حاجة بيهم!!!
انتو بقى يا زمالكاوية شمتانين على ايه نفسى اعرف؟؟؟؟صدقونى انتو مادة خصبة جدا للتريقة و الشماتة ...انتو اخر ناس تشمتوا فى حد خسر بطولة...يعنى لا بتشموا ريحة البطولات ولا عندكو كورة حلوة اصلا...نفسى اعرف فرحانين على ايه ...ورايحين تحتفلوا فى جامعة الدول مع التوانسة.....يا جدعان اشحال ما انتوا خارجين من البطولة دى فى بداياتها خالصصصص و بفضيحة بره و جوه .....وكلنا كنا متعاطفين معاكوا ومافييش اهلاوى عمل اللى انتو عملتوه ده ....والله عيب اوى..وكمان خرجتوا من بطولة ضعيفة زى البطولة العربية...قدم فريق اردنى لسه بيتعلم ا-ب كرة قدم....يعنى مفيش فرق تعبانة اكتر من كده غير فرق قبيلة عبس و هوزان!!!...

بلاش البطولات الخارجية....ده انتو لما بتكسابولكوا ماتشين ورا بعض فى الدورى على فرق زى غزل المحلة ولا المصرى ...بتهيصوا و تقعدوا تقولوا الزمالك راجع بقوة

لورا طبعا .....
بس اهم حاجة انكو تفتكروا ان الاهلى خرج من البطولة دى خروج الابطال ...فى ماتش نهائى ...يعنى ماتش لازم فى نهايتة يكون فى حد كسبان وحد خسران

.لكن بجد اللى يضحك ويبكى فى نفس الوقت هو ردود افعال المواقع الزملكلوية اللى بتمثل النادى

بعد نهاية الماتش مباشرة....امتلئت مواقع الزمالك بعبارات من عينة
تهنئة للاخوة التوانسة ...واعتذار على سوء المعاملة....حمل اهداف النجم فى الاهلى ...الاهلى خسر البطولة و الاخلاق معا

فعلا حاجة تضحك....عمرنا ما شوفنا قبل كده موقع اهلاوى بيهنى حد كسب الزمالك كنا هنقعد نهنى كتير اوى بصراحة ولا عمرنا حطينا اهداف غير الاهداف اللى احنا داخلناها فيهم وما أكثرها!! .....فعلا غل و حقد وصل لدرجة المرض....

وكتبوها بكل صراحة ....نعم كنا نشجع النجم...أيه الاخلاق دى كلها!!ايه الشهامة دى!!! ...لكن اقول ايه فى جمهور بيشتم رمز اخلاقى زى حازم امام و يدافع عن شيكابالا ....اللى رفع الجزمة فى وش ملايييين من الاهلاوية...ويبرروا أفعاله!! مفيش معايير عندهم

اخيرا بحب اذكر كل اهلاوى و اهلاوية ....دورى ابطال افريقيا ان شاء فاضل شهور قليلة و يرجع تانى ...و يبدأ الاهلى مشواره ان شاء الله فى الاحراش الافريقية و لاستعادة الكاس الغالى الى مكانه فى نادى الجزيرة ....وتكون البطولة السنادى من غير الزمالك اللى كان دايما بيشم ريحتها ويتمحك فيها عن طريق وصافة الاهلى..

وهترفع البطولة السنادى ان شاء الله شعار
عفوا.... دورى ابطال افريقيا للكبار فقط

هزيمة بطعم الفوز

لماذا يكرهونك يا اهلي ؟

سؤال جال بخاطري اثناء مباراة الاهلي والنجم الساحلي في اياب كأس الاتحاد الافريقي

لماذا يكرهونك هؤلاء

هل لانك اذقتهم شر الهزائم

كلهم بلا استثناء؟

سواء زمالكاوية او اسماعلاوية او توانسه

جماهير نادي الزمالك والاسماعيلي التي شجعت النجم

وجماهير النجم

هل لانهم عندما يفوزون عليك كأنهم اخذوا البطولة

هل لانهم عندما ينامون يحلمون بكابوس اسمه الاهلي؟

ربما يكون الامر كذلك وربما ايضا لانهم فقط حاقدين

************************

لقد كذب من قال ان النجم يستحق الفوز في مباراة النهائي

فريق يلعب علي الهجمة المرتده

فريق لا يطمح في اكثر من هدف طوال المباراة

واذا اتي الثاني فالحمد لله واذا لم ياتي الحمد لله ايضا

فريق مملوء بالرعب من اسم الاهلي وتاريخه وابطاله

فريق اصابة الرعب فاخذ يضيع الوقت ويحاول ان ان يخرج بتلك النتيجة

وحكم اصابة ضعف النظر فلم يحتسب الكثير والكثير

وضربات جزاء لا تحتسب وطرد وايقاف ولا نعرف من المستفيد

لن اقول انها مؤامرة

ولكنني احذركم يا توانسه

فالاهلي قادم السنه القادمة باذن الله

وعند ها فلتحفروا مقابركم انتم وفرقكم

والسنتكم التي لا تلفظ الا البذيئ

واخلاقكم التي تحتاج الي الكثير والكثير من التحسين

فلتحفروا قبوركم

تحديث

شوفوا جماهير الاسماعليلة والمصري اللي بتحبنا قوي عملوا ايه

http://www.youtube.com/watch?v=egNt9ABnhbw

http://www.youtube.com/watch?v=5nLJ2ofidTU

http://www.youtube.com/watch?v=WzlzJ7Y7_j0

http://www.youtube.com/watch?v=leXmYcMNOM0

http://rapidshare.com/files/68637192/Video048.avi

http://www.youtube.com/watch?v=9ZzwfOcgy8w



------------------------------------------------


شوفوا ظلم العرجون وضربتين الجزاء اللي ماتحسبوش


حسبنا الله ونعم الوكيل




بسم الله الرحمن الرحيم

(( ولا يجرمنكم شنئان قوم على ألا تعدلوا اعدلوا هو أقرب للتقوى ))>المائدة:8<

صدق الله العظيم

يـــــــــــــــــــــــــــ رب ـــــــــــــــــــــــــا

بـــــــأذن الرحـــــــمن ...الأهلى فـــــ اليابان ـــــى

قبل الماتش بساعات

************************

تحديث بعد الماتش

الحمـــــــــــــد لله على كل حـــــــــال

يوم كان جاى اكيد....كان نفسنا مايكنش اليوم ده النهاردة ...بس الحمد لله على كل حال